2210 - Na ka treguar Fehti, ka thënë: Na ka treguar Ahmed bin Junusi, ka thënë: Na ka treguar Ebu Muaviu, ka thënë: Na ka treguar El-A'meshi, nga Ibrahimi, nga El-Esvedi, nga Aisha, e cila ka thënë: Kur u rëndua i Dërguari i Allahut (s.a.v.s.), i erdhi
Bilali (r.a.) për ta njoftuar për namazin, e ai tha: "Shkoni te Ebu Bekri dhe thuajini që t'u prijë njerëzve në namaz." Ajo tha: I thashë: O i Dërguari i Allahut, sikur ta urdhëroje Omerin t'u prijë atyre, sepse Ebu Bekri është njeri i ndjeshëm dhe kur të qëndrojë në vendin tënd, njerëzit nuk do ta dëgjojnë. Ai tha: "Urdhërojeni Ebu Bekrin që t'u prijë njerëzve në namaz." Ata e urdhëruan Ebu Bekrin dhe ai u priu njerëzve. Kur ai hyri në namaz, i Dërguari i Allahut (s.a.v.s.) ndjeu një lehtësim, u ngrit duke u mbështetur mes dy burrave, ndërsa këmbët e tij zvarriteshin në tokë. Kur Ebu Bekri e ndjeu lëvizjen e tij, deshi të tërhiqej prapa, por ai i bëri shenjë që të qëndronte ashtu siç ishte. I Dërguari i Allahut (s.a.v.s.) erdhi dhe u ul në të majtë të Ebu Bekrit. I Dërguari i Allahut (s.a.v.s.) u printe njerëzve në namaz, ndërsa Ebu Bekri ndiqte Pejgamberin (s.a.v.s.) duke qenë në këmbë, kurse njerëzit ndiqnin namazin e Ebu Bekrit ⁽¹⁷²⁷⁾.
Disa thanë: Nuk keni argument në këtë hadith, sepse i Dërguari i Allahut (s.a.v.s.) në atë namaz ishte i udhëhequr (me'mum).
Ata argumentuan për këtë me atë që