2336 - Na ka treguar Jezid bin Sinani dhe Ibrahim bin Merzuki, të cilët kanë thënë: Na ka treguar Omer bin Junusi, i cili ka thënë: Na ka treguar Ikrime bin Ammari, i cili ka thënë: Më ka treguar Jahja bin Ebi Kethiri, i cili ka thënë: Më ka treguar Hilal bin Ijadi, i cili ka thënë: Më ka treguar Ebu Seid el-Hudriu, i cili ka thënë: Na ka thënë i Dërguari i Allahut (s.a.v.s.): "Nëse ndonjëri prej jush falet dhe nuk e di se a ka falur tri apo katër (rekatë), le t'i bëjë dy sexhde duke qenë ulur" ⁽¹⁸⁹⁷⁾.
Një grup ⁽¹⁸⁹⁸⁾ kanë anuar nga kjo dhe kanë thënë: Ky është gjykimi për atë që i hyn dyshimi në namazin e tij, e nuk e di se a ka shtuar apo ka pakësuar? Ai i bën dy sexhde duke qenë ulur, pastaj jep selam dhe nuk ka obligim tjetër përveç kësaj.
Të tjerë ⁽¹⁸⁹⁹⁾ i kanë kundërshtuar ata në këtë dhe kanë thënë: Përkundrazi, ai bazohet në numrin më të vogël derisa ta dijë me siguri se ka kryer atë që e ka pasur obligim. Dhe kanë thënë: Në hadith nuk ka argument se falësi nuk ka obligim tjetër përveç atyre dy sexhdeve, sepse prej tij është transmetuar diçka që shton mbi këtë, dhe e ka bërë obligim për të që para dy sexhdeve të bazohet në të sigurtën, derisa ta dijë me siguri largimin e asaj që e dinte se e kishte obligim me siguri. Prej asaj që është transmetuar nga ai në lidhje me këtë është...