2388 - Na ka treguar Sulejman bin Shuajbi, i cili ka thënë: Na ka treguar Abdurrahman bin Zijadi, i cili ka thënë: Na ka treguar Shube, i cili ka thënë: Më ka treguar Ikrime bin Ammar el-Jemami, nga Damdam bin Xheus el-Hanefi, nga Abdullah bin Hanzhale bin er-Rahib: Se Omer bin el-Hatabi (r.a.) fali namazin e akshamit dhe nuk lexoi asgjë në rekatin e parë. Kur erdhi rekati i tretë, ai lexoi në të Fatihanë dhe një sure dy herë, e kur dha selam, bëri dy sexhdet e sehvit ⁽¹⁹⁵⁷⁾.
Kështu, sexhdeja e të Dërguarit të Allahut (s.a.v.s.), të cilën e kishte mësuar Omeri (r.a.) për shtesën që kishte bërë në namazin e tij, dhe sexhdeja e tij për të pas selamit, u bë argument për të se gjykimi për çdo harresë (sehv) në namaz është i njëjtë.
Edhe Sad bin Ebi Vekasi (r.a.) ka vepruar po ashtu.