2463 - Na ka treguar Ebu Bekre, i cili ka thënë: Na ka treguar Seid bin Amir, Rauh dhe Veheb, të cilët kanë thënë: Na ka treguar Shu'be, nga El-Hakemi, nga Jahja bin el-Xhezzar, nga Suhejbi, nga Ibn Abbasi, i cili ka thënë: Kalova pranë të Dërguarit të Allahut (s.a.v.s.) ndërsa ai ishte duke u falur, e unë isha mbi një gomar, dhe me mua ishte një djalosh nga Beni Hashimët, e ai nuk e ndërpreu (namazin) ⁽²⁰⁴⁵⁾.
Ebu Xha'feri ka thënë: Në hadithin e Ubejdullahut nga Ibn Abbasi (r.a.) thuhet se ata të dy kaluan para rreshtit (safit). Kështu që, mund të jetë që ata kanë kaluar para xhematit (mëmumëve) e jo para imamit, andaj kjo nuk e ka ndërprerë namazin e xhematit dhe në këtë nuk ka pasur argument për gjykimin e kalimit të gomarit para imamit. Mirëpo, në hadithin e Suhejbit, nga Ibn Abbasi (r.a.), thuhet se ai kaloi pranë të Dërguarit të Allahut (s.a.v.s.) dhe ai nuk e ndërpreu (namazin). Kjo tregon se kalimi i gomarit para imamit gjithashtu nuk e ndërpret namazin.
Është transmetuar nga Ibn Abbasi (r.a.) në hadithin që kemi përmendur prej tij në kapitullin e parë nga hadithi i Ibn Ebi Davudit, se gomari e ndërpret namazin në disa gjëra që ai i ka përmendur bashkë me të në atë hadith; ai tha: Dhe mendoj se ai e ka përcjellë atë si hadith të ngritur (musned). Ky hadith që kemi transmetuar nga Ubejdullahu dhe Suhejbi, nga Ibn Abbasi (r.a.), është në kundërshtim me atë, andaj dëshiruam të dimë se cili prej tyre e ka shfuqizuar (nasikh) tjetrin. Kështu që, ne e shqyrtuam këtë.