2465 - Na ka treguar Ibn Marzuk, i cili ka thënë: Na ka treguar Abu Asim, nga Ibn Xhurejxhi, nga Muhamed bin Umeri, nga Abas bin Ubejdullahu, nga El-Fadl bin Abasi (r.a.), i cili ka thënë: Na vizitoi i Dërguari i Allahut (s.a.v.s.) në një zonë tonën shkretinore, ku kishim një qenush ⁽²⁰⁴⁷⁾ dhe një gomare që kulloste. Ai e fali namazin e ikindisë ndërsa ato ishin përpara tij, dhe ato as nuk u dëbuan e as nuk u larguan ⁽²⁰⁴⁸⁾.