2557 - Abdullah bin Muhammed bin Khushaysh el-Basri na ka treguar, ka thënë: Na ka treguar Ebu el-Velidi, ka thënë: Na ka treguar Zaideja, nga Lejthi, nga Ebu Burdeja, nga babai i tij, i cili ka thënë: Pranë të Dërguarit të Allahut (s.a.v.s.) kaloi një xhenaze me të cilën po ecnin shpejt dhe ajo po tundej ⁽¹³⁾ ashtu siç tundet kacekja, kështu që ai tha: "Jini të matur me xhenazet tuaja" ⁽¹⁴⁾.

Në këtë hadith thuhet se i vdekuri tundehej nga ajo shpejtësi ashtu siç tundet kacekja. Kështu që, ka mundësi që ai t'i ketë urdhëruar për maturi, sepse nga ajo shpejtësi kishte frikë se mos ndodhte diçka me të vdekurin, prandaj i ndaloi nga kjo. Shpejtësia që ai i urdhëroi në transmetimet e para ishte më e matur ⁽¹⁵⁾ sesa kjo shpejtësi.

Ne e shqyrtuam këtë gjithashtu, a është transmetuar diçka që na udhëzon drejt këtij kuptimi?