2743 - Na ka treguar Sulejman bin Shuajbi, i cili ka thënë: Na ka treguar El-Hasib bin Nasih, i cili ka thënë: Na ka treguar Abdulaziz bin Muslimi, nga Suhejl bin Ebi Salihu, (h)
dhe na ka treguar Ibn Merzuki, i cili ka thënë: Na ka treguar Ebu Hudhejfe, i cili ka thënë: Na ka treguar Sufjani, nga Suhejli, nga babai i tij, nga Ebu Hurejra (r.a.) se i Dërguari i Allahut (s.a.v.s.) ka thënë: "Më mirë është për ndonjërin prej jush të ulet mbi një thëngjill derisa t'ia djegë rrobat e t'i depërtojë deri në lëkurë, sesa të ulet mbi varr" ⁽²⁴⁸⁾.
Ebu Xhaferi ka thënë: Një grup njerëzish ⁽²⁴⁹⁾ kanë ndjekur këto transmetime dhe i kanë pranuar ato, andaj e kanë konsideruar të urryer (mekruh) uljen mbi varre.
Të tjerë i kanë kundërshtuar ata ⁽²⁵⁰⁾, duke thënë: Nuk është ndaluar kjo për shkak të urrejtjes së uljes mbi varr, por me këtë është synuar ulja për të kryer nevojën e madhe apo të vogël, dhe kjo është e lejueshme në gjuhë, thuhet: 'Filani u ul për nevojë të madhe' dhe 'Filani u ul për nevojë të vogël'. Ata argumentuan për këtë me atë që