3298 - Na ka treguar Jahja bin Uthmani dhe Ali bin Abdurrahmani, të cilët kanë thënë: Na ka treguar Said bin Ebi Merjemi, i cili ka thënë: Më ka njoftuar Ibrahim bin Suvejdi, i cili ka thënë: Më ka treguar Hilal bin Zejdi, i cili ka thënë: Më ka njoftuar Enes bin Maliku, se ai
e ka dëgjuar të Dërguarin e Allahut (s.a.v.s.) duke caktuar mikatin për banorët e Medinës në Dhu-l-Hulejfe, për banorët e Shamit në el-Xhuhfe, për banorët e Basrës në Dhatu Irk dhe për banorët e Medainit në el-Akik ⁽⁴⁵⁾.
Është vërtetuar nga i Dërguari i Allahut (s.a.v.s.) përmes këtyre transmetimeve caktimi i mikatit për banorët e Irakut, ashtu siç është vërtetuar caktimi për të tjerët përmes transmetimeve para kësaj.
Dhe ky është Abdullah bin Omeri (r.a.), i cili ka transmetuar nga Pejgamberi (s.a.v.s.) lidhur me caktimin e mikatit atë që kemi përmendur prej tij në kapitullin para këtij, e pastaj Abdullah bin Omeri (r.a.) ka folur për këtë pas Pejgamberit (s.a.v.s.).