3408 - Na ka treguar Ibn Merzuku, i cili ka thënë: Na ka treguar Bishr bin Umeri, i cili ka thënë: Na ka treguar Maliku, nga Muhamed bin Abdurrahman bin Neufeli, nga Urve, nga Aisha (r.a.), e cila ka thënë:
"Dolëm bashkë me të Dërguarin e Allahut (s.a.v.s.) në vitin e Haxhit të Lamtumirës. Disa prej nesh bënë telbije për Umre, disa prej nesh bënë telbije për Haxh dhe Umre, e disa prej nesh bënë telbije vetëm për Haxh. I Dërguari i Allahut (s.a.v.s.) bëri telbije për Haxh. Sa i përket atyre që bënë telbije për Umre, ata u liruan nga ihrami (pas kryerjes së saj), ndërsa ata që bënë telbije për Haxh ose i bashkuan Haxhin dhe Umren, nuk u liruan nga ihrami deri në ditën e kurbanit (nehr) ⁽¹⁷⁸⁾."