3463 - Na ka treguar Nasr bin Merzuk, i cili ka thënë: Na ka treguar Ali bin Ma'bed, i cili ka thënë: Na ka treguar Ismail bin Xhafer, nga Humajdi, nga Enesi, se Pejgamberi (s.a.v.s.) bëri telbije për umre dhe haxh dhe tha: "Lebejk bi umretin ue haxh-xhetin" ⁽²³⁸⁾.
Bekër bin Abdullah el-Muzeniu ia përmendi Ibn Omerit thënien e Enesit (r.a.), e ai tha: "Enesi është gabuar ⁽²³⁹⁾, i Dërguari i Allahut (s.a.v.s.) bëri ihram vetëm për haxh, dhe ne bëmë ihram bashkë me të. Kur arritëm në Mekë,
ai tha: 'Kush nuk ka kurban me vete, le të dalë nga ihrami'. Bekri tha: U ktheva te Enesi (r.a.) dhe e njoftova për thënien e Ibn Omerit (r.anhuma), por ai vazhdoi ta përmendte këtë derisa vdiq.