3580 - Na ka treguar Ibn Ebi Davudi, i cili ka thënë: Na ka treguar Sulejman bin Harbi, i cili ka thënë: Na ka treguar Hammadi, nga Ejubi, nga Seid bin Xhubejri, nga Ibn Abbasi, i cili ka thënë: I Dërguari i Allahut (s.a.v.s.) erdhi në Mekë bashkë me shokët e tij, ndërsa idhujtarët thanë: "Po ju vjen një popull të cilin e kanë dobësuar ethet e Jethribit".

Kur arritën, idhujtarët u ulën nga ana e Hixhrit, andaj Pejgamberi (s.a.v.s.) i urdhëroi shokët e tij që të ecnin shpejt (raml) në tre rrotullimet e para dhe të ecnin (normalisht) midis dy qosheve. Ibn Abbasi ka thënë: "Nuk e pengoi atë që t'i urdhëronte ata të ecnin shpejt në të katër rrotullimet, përveçse dëshira për t'i kursyer ⁽³⁷⁶⁾ ata ⁽³⁷⁷⁾."