3622 - Na ka treguar Rebi el-Muadhini, i cili ka thënë: Na ka treguar Esedi, i cili ka thënë: Na ka treguar Hammad bin Seleme, nga Ejubi, nga Ibn Ebi Mulejke, se Urve i ka thënë Ibn Abbasit: "I ke humbur njerëzit, o Ibn Abbas!" Ai tha: "E çfarë është ajo, o Ureje?" Ai tha: "Ti u jep fetva njerëzve se kur të bëjnë tavaf rreth Shtëpisë, ata janë liruar nga ihrami, ndërsa Ebu Bekri dhe Omeri (r.a.) vinin duke bërë telbije për haxh dhe qëndronin në ihram deri në ditën e kurbanit."
Ibn Abbasi tha: "Me këtë qenkeni humbur? Unë po ju tregoj nga i Dërguari i Allahut (s.a.v.s.), ndërsa ju më tregoni për Ebu Bekrin dhe Omerin (r.a.)
?"
Atëherë Urve tha: "Vërtet, Ebu Bekri dhe Omeri (r.a.) ishin më të dijshëm për të Dërguarin e Allahut (s.a.v.s.) sesa ti" ⁽⁴²⁴⁾.