3706 - Na ka treguar Rebi el-Muadhini, i cili ka thënë: Na ka treguar Esedi, i cili ka thënë: Na ka treguar Hatim bin Ismaili, nga Xhafer bin Muhamedi, nga babai i tij, nga Xhabiri, se i Dërguari i Allahut (s.a.v.s.), kur erdhi në Muzdelife, i fali aty akshamin dhe jacinë me një ezan dhe dy ikamete ⁽⁵²⁸⁾.
Në këtë hadith thuhet se i Dërguari i Allahut (s.a.v.s.), kur erdhi në Muzdelife, e fali akshamin dhe jacinë me një ezan dhe dy ikamete, dhe kjo është në kundërshtim me atë që ka transmetuar Halid bin Malik el-Harithi nga Ibn Omeri.
Ata (dijetarët) janë pajtuar njëzëri se për të parën nga dy namazet që bashkohen në Arafat, thirret ezani dhe ikameti, kështu që analogjia mbi këtë kërkon që i tillë të jetë edhe gjykimi për të parën nga dy namazet që bashkohen në Xhem' (Muzdelife).