3714 - Na ka treguar Ibn Ebi Davudi, i cili ka thënë: Na ka treguar El-Mukaddemi, i cili ka thënë: Na ka treguar Fudejl bin Sulejmani, i cili ka thënë: Më ka treguar Musa bin Ukbe, i cili ka thënë: Më ka njoftuar Kurejbi, nga Ibn Abbasi (r.anhuma), se Pejgamberi (s.a.v.s.) i urdhëronte gratë e tij dhe njerëzit e tij të dobët ⁽⁵³⁹⁾ në mëngjesin e Muzdelifes (Xhem') që të niseshin me agimin e parë në errësirë, por të mos e gjuanin xhemren (gurët) derisa të gdhihej ⁽⁵⁴⁰⁾.
Në këtë hadith thuhet se i Dërguari i Allahut (s.a.v.s.) i urdhëroi ata të niseshin me agimin e parë dhe të mos gjuanin derisa të gdhihej. Kjo tregon se koha në të cilën ai i urdhëroi ata të gjuanin nuk fillon me lindjen e agimit, por fillon me dritën e mëngjesit (isbah) që vjen pas tij.