3733 - Na ka treguar Junus bin Abdil-A'la, ka thënë: Na ka treguar Ibn Vehbi, ka thënë: Më ka treguar Omer bin Kajsi, nga Ata'i, nga Ibn Abbasi: Se i Dërguari i Allahut (s.a.v.s.) ka thënë: "Bariu kullot ditën dhe gjuan natën" ⁽⁵⁶²⁾.
Ebu Xhaferi ka thënë: Ebu Hanifja (r.h.) ka menduar se në këtë hadith ka argument se nata dhe dita janë një kohë e vetme për gjuajtjen, andaj ka thënë: Nëse një person e lë gjuajtjen e Xhemretul Akabes në ditën e kurbanit, pastaj e gjuan atë pas kësaj në natën që vjen pas saj, nuk ka asgjë mbi të. Por, nëse nuk e gjuan derisa të gdhihet dita e nesërme, ai e gjuan atë dhe e ka obligim një kurban për shkak të vonimit të saj deri në daljen e kohës së saj, e që është lindja e agimit të asaj dite.
Ebu Jusufi dhe Muhamedi (r.h.) e kanë kundërshtuar atë në këtë dhe kanë thënë: Nëse ai e kujton atë në cilëndo prej ditëve të gjuajtjes, ai e gjuan atë dhe nuk ka asgjë tjetër mbi të, as kurban e as tjetër. Por, nëse nuk e kujton derisa të kalojnë ditët e gjuajtjes, pastaj e kujton dhe nuk e ka gjuajtur, ai e ka obligim një kurban për lënien e saj.
Muhamed bin el-Hasani ka argumentuar për këtë kundër Ebu Hanifes (r.h.).