5054 - Na ka treguar Jahja bin Uthman bin Salih, i cili ka thënë: Na ka treguar Muhamed bin Seleme el-Muradi, i cili ka thënë: Na ka diktuar Abdullahu bin Vehbi, nga Ajash bin Ukbe el-Hadrami, se el-Fadl bin el-Hasan bin Amër bin Umeje i ka treguar atij, se Ibn Um el-Hakem ose Duba'ah, dy vajzat e ez-Zubejr bin Abdylmutalibit, i kanë treguar atij nga njëra prej tyre se ajo ka thënë: "I dërguari i Allahut (s.a.v.s.) mori disa robër lufte, kështu që shkova unë, motra ime dhe Fatimja, vajza e Pejgamberit (s.a.v.s.), dhe iu ankuam atij për gjendjen tonë dhe i kërkuam të na jepte diçka nga robërit. Pejgamberi (s.a.v.s.) tha: "Ju kanë paraprirë jetimët e Bedrit, por do t'ju udhëzoj për diçka që është më e mirë për ju: Madhëroni Allahun (Tekbir) pas çdo namazi tridhjetë e tri herë, lartësoni Allahun (Tesbih) tridhjetë e tri herë, dhe falënderoni Allahun (Tahmid) tridhjetë e tri herë, dhe 'La ilahe il-lallahu vahdehu la sherike leh, lehul-mulku ve lehul-hamdu ve huve ala kul-li shej'in kadir' një herë."

Ajashi tha: Ato të dyja ishin vajzat e xhaxhait të të Dërguarit të Allahut (s.a.v.s.) ⁽⁷⁸⁾.