5073 - Na ka treguar Muhamed bin Huzajme, ka thënë: Na ka treguar Haxhaxh bin el-Minhal, ka thënë: Na ka treguar Hamad bin Seleme, nga el-Kelbi, nga Ebu Salihu, nga Umm Hani se Fatimja (r.a.) ka thënë: O Ebu Bekër, kush të trashëgon ty kur të vdesësh? Ai tha: Fëmijët e mi dhe familja ime. Ajo tha: Atëherë, pse ti e trashëgon Pejgamberin (s.a.v.s.) e jo unë? Ai tha: O bija e të Dërguarit të Allahut (s.a.v.s.), unë nuk kam trashëguar nga babai yt as shtëpi, as ar, e as shërbëtor. Ajo tha: Po pjesa e Allahut të Madhëruar që Ai na e ka caktuar neve dhe pronat tona të veçanta që janë në dorën tënde? Ai tha: E kam dëgjuar të Dërguarin e Allahut (s.a.v.s.) duke thënë: "Kjo është vetëm një furnizim që Allahu i Madhëruar ma ka dhënë mua, e kur të vdes, ajo do të jetë mes muslimanëve" ⁽¹⁰⁴⁾.