5615 - Na ka treguar Ahmed bin Ebi Imran, i cili ka thënë: Na ka treguar Ubejdullah bin Muhamed bin Hafs et-Tejmi, i cili ka thënë: Na ka njoftuar Hammad bin Seleme, nga Jahja el-Bekka: Se një burrë i tha Ibn Omerit (r.anhuma): 'Unë të dua për hir të Allahut.' Ibn Omeri i tha: 'Kurse unë të urrej për hir të Allahut, sepse ti kërkon shpërblim për ezanin tënd ose merr shpërblim për ezanin' ⁽¹⁰⁾.
Me këtë që përmendëm, u vërtetua urrejtja (kerahet) e kërkimit të shpërblimit për ezanin, ashtu siç është edhe kërkimi i shpërblimit për mësimin e Kuranit, sepse i Dërguari i Allahut (s.a.v.s.) ka urdhëruar për përcjelljen nga Allahu (xh.sh.) qoftë edhe një ajet nga Libri i Allahut, dhe Allahu e ka bërë obligim për umetin e tij përcjelljen nga i Dërguari i Allahut (s.a.v.s.), duke thënë: 'O i Dërguar! Komuniko atë që t’u shpall nga Zoti yt, e nëse nuk e bën këtë, atëherë nuk e ke komunikuar mesazhin e Tij. Allahu të mbron ty prej njerëzve' [el-Maide: 67].
I Dërguari i Allahut (s.a.v.s.) ka thënë gjithashtu për diçka të ngjashme me këtë atë që...