5657 - Na ka treguar Junus bin Abdil-A'la es-Sadafi, i cili ka thënë: Na ka njoftuar Abdullah bin Vehbi, i cili ka thënë: Më ka njoftuar Amër bin el-Harithi, Malik bin Enesi dhe Sufjan bin Seid eth-Thevriu, se Rebi'a bin Ebi Abdurrahman er-Re'ji u ka treguar të gjithëve, nga Jezidi, skllavi i el-Munbeithit, nga Zejd bin Halid el-Xhuheni (r.a.), se ai ka thënë: Erdhi një burrë te Pejgamberi (s.a.v.s.) ndërsa unë isha me të, dhe e pyeti atë për gjënë e gjetur (lukata). I Dërguari i Allahut (s.a.v.s.) i tha: "Njihja ⁽¹⁹⁾ mbështjellësen e saj ⁽²⁰⁾ dhe lidhësen e saj, pastaj shpalle atë për një vit. Nëse vjen pronari i saj (jepja), përndryshe bëj çfarë të duash me të." Ai tha: Po delja e humbur, o i Dërguari i Allahut? Ai tha: "Ajo është për ty, ose për vëllanë tënd, ose për ujkun." Ai tha: Po deveja e humbur, o i Dërguari i Allahut? Ai tha: "Ajo ka me vete mjetin e saj të pirjes dhe thundrat e saj; ajo shkon te uji dhe han pemët derisa ta gjejë i zoti i saj" ⁽²¹⁾.