5665 - Na ka treguar Muhamed bin Huzajme, i cili ka thënë: Na ka treguar El-Mu'al-la bin Esed, i cili ka thënë: Na ka treguar Abdulaziz bin El-Muhtar, nga Halid El-Hadh-dha, nga Jezid bin Esh-Shikh-khir, nga Mutarrif bin Esh-Shikh-khir, nga Ijad bin Himar
El-Muxhashi'i (r.a.), nga Pejgamberi (s.a.v.s.) se ka thënë: "Kush gjen diçka të humbur (lukata), le të marrë për dëshmitarë dy njerëz të drejtë, të mos e fshehë dhe të mos e ndryshojë atë. Nëse vjen pronari i saj, ai ka më shumë të drejtë mbi të, e nëse jo, ajo është pasuri e Allahut që ia jep kujt të dojë" ⁽²⁹⁾.
Pasi marrja e gjësë së humbur në këtë mënyrë ishte e lejuar, po ashtu është edhe marrja e kafshës së humbur (dhale). Marrja e të dyjave urrehet vetëm nëse me to synohet e kundërta e kësaj.
Ubej bin Ka'bi e ka pëlqyer marrjen e gjësë së humbur dhe që ajo të mos lihet për egërsirat.