Transmeton Adi bin Hatimi:

E pyeta Pejgamberin (s.a.v.s.) për shigjetën pa pupla (el-mi'rad) dhe ai tha: "Nëse e godet prenë me majën e saj të mprehtë, haje, por nëse e godet me anën e saj të gjerë, mos e ha, sepse ajo është e vrarë nga goditja." I thashë: "Unë e lëshoj qenin tim?" Ai u përgjigj: "Nëse e përmend emrin e Allahut, haje, përndryshe mos e ha. E nëse qeni ha prej saj, mos e ha, sepse ai e ka zënë për vete." E pyeta: "Unë e lëshoj qenin tim dhe bashkë me të gjej edhe një qen tjetër?" Ai u përgjigj: "Mos e ha, sepse ti e ke përmendur emrin e Allahut vetëm mbi qenin tënd."