12 - Na ka treguar Ebu Davudi, i cili ka thënë: Na ka treguar Hammad bin Zejdi, nga Amër bin Dinari, kujdestari i familjes së Ez-Zubejrit, nga Salimi, nga babai i tij, nga Omer bin el-Hattabi (r.a.), se Pejgamberi (s.a.v.s.) ka thënë: «Kushdo që hyn në një treg prej këtyre tregjeve dhe thotë: 'La ilahe il-lall-llahu vahdehu la sherike leh, lehul-mulku ve lehul-hamdu, juhji ve jumitu ve huve hajjun la jemutu, bi jedihil-hajru ve huve ala kul-li shej'in kadir' (Nuk ka të adhuruar tjetër me të drejtë përveç Allahut, Një i Vetëm dhe i Pashoq, Atij i takon sundimi dhe Atij i takon lavdërimi, Ai jep jetë dhe jep vdekje, Ai është i Gjallë dhe nuk vdes kurrë, në dorën e Tij është e mira dhe Ai është i Fuqishëm për çdo gjë), Allahu i Madhëruar do t'i shënojë atij një milion mirësi, do t'i fshijë një milion gjynahe dhe do t'i ndërtojë një pallat në Xhenet».