31 - Na ka treguar Junusi, i cili ka thënë: Na ka treguar Ebu Davudi, na ka treguar Xherir bin Hazimi, na ka treguar Abdulmelik bin Umejri, nga Xhabir bin Semure, i cili ka thënë: «Na mbajti hytbe Omer bin el-Hatabi (r.a.) në el-Xhabije dhe tha: I Dërguari i Allahut (s.a.v.s.) u ngrit mes nesh ashtu siç u ngrita unë mes jush, e tha: Nderoni shokët e mi, pastaj ata që vijnë pas tyre, pastaj ata që vijnë pas tyre. Pastaj do të përhapet gënjeshtra, saqë njeriu do të betohet pa iu kërkuar betimi dhe do të dëshmojë pa iu kërkuar dëshmia. Kush dëshiron mesin e Xhenetit, le t'i përmbahet xhematit (bashkësisë); sepse shejtani është me atë që është vetëm, ndërsa nga dy veta është më larg. Asnjë burrë të mos veçohet me një grua, sepse i treti i tyre është shejtani. Atë që e gëzon vepra e tij e mirë dhe e hidhëron vepra e tij e keqe, ai është besimtar».