41 - Na ka treguar Ebu Davudi, i cili ka thënë: Na ka treguar Hammad bin Seleme, na ka treguar Ali bin Zejd, nga Enes bin Maliku, i cili ka thënë:
Omeri (r.a.) ka thënë: «U pajtova me Zotin tim (xh.sh.) në katër gjëra; i thashë: O i Dërguari i Allahut, sikur të faleshe prapa Mekamit (të Ibrahimit), dhe atëherë zbriti ky ajet: ﴿Vat-tekhidhu min mekami Ibrahime musal-la - Dhe merreni vendin e Ibrahimit si vendfalje﴾. Dhe i thashë: O i Dërguari i Allahut, sikur t'u vendosje hixhabin (mbulesën) grave tua, sepse te ti hyn i miri dhe i prishuri, dhe atëherë Allahu (xh.sh.) zbriti: ﴿Ve idha se'eltumuhunne meta'an fes'eluhunne min verai hixhab - E kur kërkoni prej tyre ndonjë send, kërkojeni atë prapa perdes﴾. Dhe zbriti ky ajet: ﴿Ve lekad khaleknel insane min sulaletin min tin - Ne e krijuam njeriun prej një palce të baltës﴾ deri në fund të ajetit, e kur zbriti, unë thashë: Tebarekallahu ahsenul khalikun (I lartësuar qoftë Allahu, Krijuesi më i mirë), dhe atëherë zbriti: ﴿Fetebarekallahu ahsenul khalikun - I lartësuar qoftë Allahu, Krijuesi më i mirë﴾. Dhe hyra te gratë e Pejgamberit (s.a.v.s.) e u thashë atyre: Ose do të përmbaheni, ose Allahu do t'ia zëvendësojë atij me gra më të mira se ju, dhe atëherë zbriti ky ajet: ﴿Asa rabbuhu in tallekakunne - Nëse ai ju divorcon, Zoti i tij mund t'i japë atij...﴾ deri në fund të ajetit».