59 - Na ka treguar Ebu Davudi, i cili ka thënë: Na ka treguar Shube, i cili ka thënë: Më ka njoftuar El-Hakemi, nga Ebu Vaili, se: «Subaj bin Mabadi ishte një i krishterë nga fisi Teglib, një beduin, i cili u bë musliman dhe pyeti: Cilat vepra janë më të mirat? Iu tha: Xhihadi në rrugën e Allahut. Ai dëshiroi të bënte xhihad, por iu tha: A e ke kryer haxhin? Ai tha: Jo. Atëherë iu tha: Kryej haxhin dhe umren, pastaj bëj xhihad. Ai u nis dhe kur arriti në El-Havait, i filloi të dyja bashkë (haxhin dhe umren). Atë e panë Zejd bin Suhani dhe Selman bin Rabia, të cilët thanë: Ai është më i humbur se deveja e tij – ose: ai nuk është më i udhëzuar se deveja e tij. Atëherë ai shkoi te Omeri dhe e njoftoi për fjalët e tyre, e ai (Omeri) i tha: Je udhëzuar në sunetin e Pejgamberit tënd, Muhamedit (s.a.v.s.).»