115 - Na ka treguar Ebu Davudi, i cili ka thënë: Na ka treguar Hammad bin Seleme, Kajsi dhe Selami, të gjithë nga Simak bin Harbi, nga Halid bin Ar'are, nga Aliu (r.a.), i cili ka thënë: «Kur u rrënua Shtëpia (Qabeja) pas Xhurhumit, e ndërtuan Kurejshët. Kur dëshiruan ta vendosnin Gurin, u grindën se kush do ta vendoste atë. Atëherë ranë dakord që ta vendoste ai që hynte i pari nga kjo derë. I dërguari i Allahut (s.a.v.s.) hyri nga dera e Beni Shejbes. Ai urdhëroi të sjellin një rrobë dhe ajo u shtrua, pastaj e mori Gurin dhe e vendosi në mesin e saj. Ai urdhëroi që nga çdo fis të merrnin nga një skaj të rrobës dhe ta ngrinin atë, pastaj i dërguari i Allahut (s.a.v.s.) e mori atë dhe e vendosi (në vendin e vet).»