139 - Na ka treguar Ebu Davudi, i cili ka thënë: Na ka treguar Ebu Vaki'i dhe Selami, që të dy nga Abdula'la bin Amir, nga Ebu Xhemile, nga Aliu, se një robëreshë e Pejgamberit (s.a.v.s.) kishte bërë imoralitet, andaj Pejgamberi (s.a.v.s.) më urdhëroi që t'i zbatoja dënimin (hadin) asaj. Shkova tek ajo, por pashë se gjakderdhja e saj (nga lehonia) nuk ishte ndalur ende. Atëherë erdha te Pejgamberi (s.a.v.s.) dhe e njoftova, e ai tha: 'Kur t'i ndalet gjakderdhja, fshikulloje atë. Dhe zbatojini dënimet (hududet) mbi ata që i keni nën zotërimin tuaj'.