141 - Na ka treguar Ebu Davudi, i cili ka thënë: Na ka treguar Shube, i cili ka thënë: Më ka njoftuar Abdulmelik bin Mejsere, i cili ka thënë: E kam dëgjuar Nezzal bin Sebreh duke thënë: «Aliu (r.a.) e fali drekën në Rahabe, pastaj u ul për nevojat e njerëzve derisa erdhi koha e ikindisë. Pastaj i sollën një enë me ujë, mori prej tij një grusht dhe lau fytyrën e duart e tij, dha mes'h mbi kokën dhe këmbët e tij, pastaj u ngrit dhe piu tepricën e ujit duke qenë në këmbë, e pastaj tha: Disa njerëz e urrejnë të pijnë duke qenë në këmbë, ndërsa unë e kam parë të Dërguarin e Allahut (s.a.v.s.) të veprojë ashtu siç veprova unë, dhe tha: Ky është abdesi i atij që nuk ka nxjerrë hadeth (nuk e ka prishur abdesin)».