168 - Na ka treguar Ebu Davudi, i cili ka thënë: Na ka treguar Abdulaziz bin el-Muhtar, nga Abdullah bin Fejruz, nga Hudejn Ebu Sasan er-Rakashi, i cili ka thënë: «Isha i pranishëm te Uthman bin Afani (r.a.), kur sollën el-Velid bin Ukben i cili kishte pirë alkool. Kundër tij dëshmuan Humran bin Aban dhe një burrë tjetër. Atëherë Uthmani i tha Aliut: Zbatoni dënimin (hadin) mbi të. Aliu e urdhëroi Abdullah bin Xhaferin, pronarin e dy krahëve, që ta fshikullonte atë. Ai filloi ta fshikullonte, ndërsa Aliu numëronte, derisa e fshikulloi dyzet herë. Pastaj i tha: Ndalo; i Dërguari i Allahut (s.a.v.s.) e ka fshikulluar dyzet, edhe Ebu Bekri (r.a.) e ka fshikulluar dyzet, ndërsa Omeri (r.a.) e ka fshikulluar tetëdhjetë. Secila është sunet, por kjo (dyzet) është më e dashur për mua».