197 - Na ka treguar Ebu Davudi, i cili ka thënë: Na ka treguar Shube, i cili ka thënë: Më ka njoftuar Zijad bin Mihraku, i cili ka thënë: Kam dëgjuar Ebu Abajen - ose Kajs bin Abajen, dyshim ky i Ebu Davudit - se Sa'di (r.a.) dëgjoi një djalë të tij duke thënë: "O Allah, unë të kërkoj Xhenetin, dhomat e tij kështu e kështu, dhe kërkoj mbrojtje te Ti nga Zjarri, prangat dhe zinxhirët e tij." Atëherë Sa'di i tha: "Ti i kërkove Allahut shumë të mira dhe kërkove mbrojtje prej Tij nga shumë të këqija - ose tha: të mëdha - por unë e kam dëgjuar të Dërguarin e Allahut (s.a.v.s.) duke thënë: 'Do të ketë njerëz që do ta teprojnë në dua (lutje), ndërsa ty të mjafton të thuash: O Allah, unë të kërkoj Ty çdo të mirë, atë që e di dhe atë që nuk e di, dhe kërkoj mbrojtje te Ti nga çdo e keqe, atë që e di dhe atë që nuk e di'".