212 - Na ka treguar Ebu Davudi, i cili ka thënë: Na ka treguar Shube, Hishami dhe Hammad bin Seleme - të gjithë - nga Asim bin Behdele, nga Mus'ab bin Sa'di, nga babai i tij (r.a.), i cili ka thënë: «I thashë: O i Dërguari i Allahut, cilët njerëz janë më të sprovuarit? Ai tha: Pejgamberët, pastaj ata që vijnë pas tyre (për nga virtyti), pastaj ata që vijnë pas tyre. Njeriu sprovohet sipas shkallës së fesë së tij; nëse ai është i palëkundur në fenë e tij, sprova e tij shtohet, e nëse në fenë e tij ka lëshim, ai sprovohet sipas asaj - ose sipas shkallës së saj. Sprova nuk ndahet nga robi derisa ai të ecë mbi tokë pa pasur asnjë mëkat.»