225 - Na ka treguar Ebu Davudi, i cili ka thënë: Na ka treguar Xherir bin Hazimi, nga Lejthi, nga Abdurrahman bin Sabiti, nga Ebu Tha'lebe el-Husheniu, nga Ebu Ubejde bin el-Xherrahu dhe Muadh bin Xhebeli (r.a.), nga Pejgamberi (s.a.v.s.) i cili ka thënë:
«Vërtet, Allahu i Madhëruar e filloi këtë çështje si Pejgamberësi dhe mëshirë, pastaj do të jetë hilafet dhe mëshirë, pastaj do të jetë mbretëri shtypëse, pastaj do të jetë dhunë, tirani dhe korrupsion në tokë; do t'i lejojnë marrëdhëniet jashtëmartesore, alkoolin dhe mëndafshin, e megjithatë do të ndihmohen për këtë dhe do të furnizohen vazhdimisht derisa të takojnë Allahun».