243 - Na ka treguar Ebu Davudi, i cili ka thënë: Na ka treguar El-Mes'udi, nga Asimi, nga Ebu Vaili, nga Abdullah ibn Mes'udi, i cili ka thënë: «Vërtet, Allahu i Madhëruar shikoi në zemrat e robërve dhe zgjodhi Muhamedin (s.a.v.s.), andaj e dërgoi atë me shpalljet e Tij dhe e përzgjodhi me diturinë e Tij. Pastaj shikoi në zemrat e njerëzve pas tij dhe zgjodhi për të shokët e tij, duke i bërë ata ndihmëtarë të fesë së Tij dhe ministra të Pejgamberit të Tij (s.a.v.s.). Prandaj, atë që besimtarët e shohin si të mirë, ajo është e mirë te Allahu, dhe atë që besimtarët e shohin si të shëmtuar, ajo është e shëmtuar te Allahu».