275 - Na ka treguar Ebu Davudi, i cili ka thënë: Na ka treguar El-Mes'udi, nga Amër bën Murre, nga Ibrahim, nga Alkame, nga Abdullah, i cili ka thënë:
«I dërguari i Allahut (s.a.v.s.) u shtri mbi një rrogos, i cili i la shenjë në lëkurën e tij. Fillova ta fshija atë prej tij dhe i thashë: 'Me babanë dhe nënën time të flijofsha, o Pejgamberi i Allahut! Pse nuk na njoftove që të të shtronim diçka që të të mbrojë prej tij e të flije mbi të?' Ai tha: 'Ç'kam unë me këtë botë? Ç'jam unë dhe kjo botë? Unë dhe kjo botë jemi vetëm si një kalorës që kërkon hije nën një pemë, pastaj largohet dhe e lë atë'.»