389 - Na ka treguar Ebu Davudi, i cili ka thënë: Na ka treguar Jahja bin Seleme bin Kuhejl, nga babai i tij, nga Ebu ez-Zahra, nga Abdullahu, i cili ka thënë:

"Pastaj Allahu i Madhëruar do të lejojë ndërmjetësimin (shefatin). Atëherë do të ngrihet Ruhu-l-Kudus, Xhibrili (a.s.), pastaj do të ngrihet Ibrahimi (a.s.), miku i Allahut, pastaj do të ngrihet Isai ose Musai - Ebu ez-Zahra ka thënë: Nuk e di se cilin prej tyre e përmendi - pastaj do të ngrihet Pejgamberi juaj (s.a.v.s.) i katërti dhe do të ndërmjetësojë. Askush pas tij nuk do të ndërmjetësojë për më shumë njerëz sesa ai. Ky është 'Vendi i Lavdëruar' (el-Mekamu-l-Mahmud) për të cilin Allahu i Madhëruar ka thënë: '...është e shpresueshme që Zoti yt do të të ngrejë ty në një vend të lavdëruar'."