414 - Na ka treguar Ebu Davudi, i cili ka thënë: Na ka treguar Shube, nga Ebu Ishaku, i cili ka thënë: E kam dëgjuar Sileh bin Zuferin duke treguar nga Hudhejfe, i cili ka thënë: «Njerëzit do të mblidhen në një rrafshnaltë të vetme, ku asnjë shpirt nuk do të flasë. I pari që do të thirret do të jetë Muhamedi (s.a.v.s.), e ai do të thotë: Të përgjigjem Ty (O Allah) dhe jam në shërbimin Tënd, e mira është në duart Tua, ndërsa e keqja nuk Të mvishet Ty. I udhëzuar është ai që Ti e udhëzon, dhe robi Yt është para Teje. Unë ekzistoj përmes Teje dhe te Ti kthehem. I Bekuar je O Zoti ynë dhe i Lartësuar. I Pastër je nga çdo e metë, O Zoti i Shtëpisë (Qabes). Kjo është fjala e Tij të Madhëruar: ﴿Ndoshta Zoti yt do të të ngrejë ty në një vend të lavdishëm (Mekamun Mahmud)﴾».