492 - Na ka treguar Junusi, i cili ka thënë: Na ka treguar Ebu Davudi, i cili ka thënë: Na ka treguar Shube, nga Amër bin Murre, i cili e ka dëgjuar Ebu Ubejden duke treguar nga Ebu Musa el-Esh'ariu, i cili ka thënë: Ka thënë i Dërguari i Allahut (s.a.v.s.): «Vërtet, Allahu i Madhëruar e shtrin dorën e Tij natën që të pendohet ai që ka gabuar ditën, dhe e shtrin dorën e Tij ditën që të pendohet ai që ka gabuar natën, derisa të lindë dielli nga perëndimi i tij».