497 - Na ka treguar Junusi, i cili ka thënë: Na ka treguar Ebu Davudi, i cili ka thënë: Na ka treguar Shube, nga Seid bin Ebi Burde, nga babai i tij, nga Ebu Musa el-Esh'ariu, se Pejgamberi (s.a.v.s.) ka thënë:
«Çdo musliman e ka obligim të japë sadaka çdo ditë.» Thanë: «O i Dërguari i Allahut, po nëse nuk gjen (mundësi)?» Tha: «Të punojë me duart e tij, t'i bëjë dobi vetes dhe të japë sadaka.» Thanë: «Po nëse nuk e bën këtë?» Tha: «Të ndihmojë nevojtarin e pikëlluar.» Thanë: «Po nëse nuk ka mundësi?» Tha: «Të urdhërojë për të mirë dhe të ndalojë nga e keqja.» Thanë: «Po nëse nuk ka mundësi?» Tha: «Të përmbahet nga e keqja; sepse kjo për të është sadaka.»