510 - Na ka treguar Junusi, i cili ka thënë: Na ka treguar Ebu Davudi, i cili ka thënë: Na ka treguar Hammad bin Seleme, nga Ebu Sinani, i cili ka thënë: E varrosa djalin tim Sinanin, ndërsa Ebu Talha el-Havlanij ishte ulur në buzë të varrit e tha: Më ka treguar ed-Dahhak bin Abdurrahmani, nga Ebu Musa, i cili ka thënë: Pejgamberi (s.a.v.s.) ka thënë: «Kur Allahu i Madhëruar ia merr shpirtin fëmijës së një robi, Ai u thotë engjëjve të Tij: Çfarë tha robi Im? Ata thonë: Të lavdëroi Ty dhe tha 'Inna lillahi ve inna ilejhi raxhiun' (Të Allahut jemi dhe tek Ai do të kthehemi). Atëherë Ai thotë: Ndërtoni për të një shtëpi në Xhenet dhe emërtojeni atë 'Shtëpia e Lavdërimit' (Bejtul-Hamd)».