539 - Na ka treguar Ebu Davudi, i cili ka thënë: Na ka treguar Hammad ibn Seleme, i cili ka thënë: Na ka treguar Ammar ibn Ebi Ammar, i cili ka thënë: E kam dëgjuar Ibn Abbasin duke thënë: «Më ka kaluar një kohë kur thosha: fëmijët e muslimanëve janë me muslimanët, ndërsa fëmijët e mushrikëve janë me mushrikët, derisa më tregoi filani nga filani, pastaj e takova atë që më tregoi prej tij, e ai më tregoi se i Dërguari i Allahut (s.a.v.s.) u pyet për ta dhe tha: Allahu e di më së miri se çfarë do të kishin vepruar».
Na ka treguar Junusi, i cili ka thënë: Dhe më ka treguar Musa ibn Abdurrahman, nga Revhu, nga Hammadi, nga Ammari, nga Ibn Abbasi, i cili ka thënë: Më ka treguar Ubeji, nga Pejgamberi (s.a.v.s.) ngjashëm me këtë.