552 - Na ka treguar Ebu Davudi, i cili ka thënë: Na ka treguar Xhafer b. Sulejmani, i cili ka thënë: Na ka treguar Seid el-Xhurejriu, nga Abdullah b. Rebah el-Ensariu, nga Ubeji, i cili ka thënë: Pejgamberi (s.a.v.s.) më tha: «O Ebu Mundhir, cila ajet në Librin e Allahut është më i madhështori?» Thashë: Ajeti el-Kursi. Atëherë ai më tha: «Të qoftë për hajër dija, o Ebu Mundhir! Pasha Atë, në dorën e të Cilit është shpirti im, ai (ajeti) do të ketë gjuhë në Ditën e Kiametit që do të lartësojë Allahun pranë këmbës së Arshit.» Ndërsa Sufjani thotë: Nga Seidi, nga Ebu es-Selili, nga Abdullah b. Rebah.