681 - Na ka treguar Ebu Davudi, i cili ka thënë: Na ka treguar Hammad bin Seleme, nga Ata el-Hurasani, nga Jahja bin Ja'mer, nga Ammar bin Jasiri, i cili ka thënë: "U ktheva te familja ime nga një udhëtim dhe ata më lyer me shafran. Kur u gdhi mëngjesi, shkova te i Dërguari i Allahut (s.a.v.s.) dhe e përshëndeta me selam, por ai nuk më uroi mirëseardhjen dhe as nuk më buzëqeshi, por tha: 'Shko dhe laje këtë prej teje'. Ai tha: E lava atë, pastaj erdha ndërsa më kishte mbetur ende diçka prej tij. E përshëndeta me selam, por ai nuk më uroi mirëseardhjen dhe as nuk më buzëqeshi, por tha: 'Shko dhe laje këtë prej teje'. E lava atë, pastaj erdha te i Dërguari i Allahut (s.a.v.s.) dhe e përshëndeta me selam, e ai ma ktheu selamin, më uroi mirëseardhjen dhe tha: 'Me të vërtetë, engjëjt nuk marrin pjesë për mirë në xhenazen e kafirit, as te ai që është lyer me shafran (për burrat), dhe as te ai që është xhunub. Dhe ai dha lehtësim për xhunubin, nëse dëshiron të hajë ose të flejë, që të marrë abdest'."