772 - Na ka treguar Ebu Davudi, i cili ka thënë: Na ka treguar Shube, i cili ka thënë: Më ka njoftuar El-Hakemi se kur Matar bin Naxhije mori pushtetin në Kufa, e urdhëroi Ebu Ubejde bin Abdullaun që t'u printe njerëzve në namaz. Ai u priu njerëzve në namaz dhe kur ngrinte kokën nga rukuja, e zgjaste qëndrimin në këmbë. Këtë ia tregova Ibn Ebi Lejlas, i cili tregoi nga El-Bera bin Azibi, i cili ka thënë: Namazi i Pejgamberit (s.a.v.s.) - kur falej dhe bënte ruku, kur ngrinte kokën nga rukuja, kur binte në sexhde dhe kur ngrinte kokën nga sexhdja (ndërmjet dy sexhdeve) - ishte pothuajse i barabartë në kohëzgjatje.