782 - Na ka treguar Ebu Davudi, i cili ka thënë: Na ka treguar Shube, nga Esh'athi, i cili ka thënë: Më ka njoftuar Muavije bin Suvejd bin Mukarrin, nga El-Berai bin Azibi, i cili ka thënë: "I Dërguari i Allahut (s.a.v.s.) na urdhëroi për shtatë gjëra dhe na ndaloi nga shtatë të tjera. Na urdhëroi për vizitën e të sëmurit, përcjelljen e xhenazeve, kthimin e selamit, lutjen për atë që teshtin (të thuhet Jerhamukallah), përmbushjen e betimit të tjetrit, ndihmën ndaj të shtypurit dhe përgjigjen ndaj ftesës. Ndërsa na ndaloi nga rrethi i arit, ose ka thënë: unaza e arit, enët e arit dhe të argjendit, jastëkët e mëndafshtë (el-mithera), rrobat e përziera me mëndafsh (el-kassij), estebreku (mëndafshi i trashë), mëndafshi i thjeshtë dhe dibaxhi (mëndafshi i qëndisur)."