804 - Na ka treguar Ebu Davudi, i cili ka thënë: Na ka treguar Hammad bin Seleme, nga Simaku, i cili ka thënë: E kam dëgjuar Xhabir bin Semuren duke thënë: E kam dëgjuar të Dërguarin e Allahut (s.a.v.s.) duke mbajtur hutbe e duke thënë: «Islami do të vazhdojë të jetë i fuqishëm deri në dymbëdhjetë halifë», pastaj tha një fjalë që nuk e kuptova, andaj i thashë babait tim: Çfarë tha i Dërguari i Allahut (s.a.v.s.)? Ai tha: «Të gjithë janë nga Kurejshët».