831 - Na ka treguar Ebu Davudi, i cili ka thënë: Na ka treguar Hammad bin Seleme, nga Simak bin Harbi, nga Nu'man bin Beshiri, i cili ka thënë:
«Sikur një njeri të ishte në udhëtim me devenë e tij, mbi të cilën kishte ushqimin dhe pijen e tij, dhe ajo t'i humbiste, e ai të ngjitej në një lartësi, të shikonte e të mos shihte asgjë, dhe ndërkohë që ishte në atë gjendje, papritur ta shihte atë me ushqimin dhe pijen e tij mbi të; Allahu gëzohet më shumë me pendimin e robit të Tij sesa i zoti i devesë me devenë e tij».
Ebu Davudi nuk e ka përcjellë këtë si thënie të Pejgamberit (s.a.v.s.) nga Hammadi, por Ibn el-Asbehani e ka përcjellë si të tillë nga Sheriku, nga Simaku, nga Nu'man bin Beshiri, nga Pejgamberi (s.a.v.s.).