897 - Na ka treguar Ebu Davudi, i cili ka thënë: Na ka treguar Ukbe bin Halidi ose Halid bin Ukbe - dyshimi është nga Ebu Davudi - i cili ka thënë: Na ka treguar Ebu Rexha el-Utaridij, nga Imran bin Husajni, se i Dërguari i Allahut (s.a.v.s.) ishte në një udhëtim, zbriti (për të pushuar) dhe fjeti, e i tha Bilallit: "Na zgjo për namazin tonë". Por nuk u zgjuan derisa nxehtësia e diellit i goditi në shpinat e tyre ose në trupat e tyre. Atëherë ai tha: "Largohuni nga ky vend". Ata u larguan, pastaj zbritën diku tjetër dhe ai i tha Bilallit: "Çfarë të pengoi të na zgjoje?". Ai tha: "Më zuri gjumi ashtu siç ju zuri edhe juve". Ai tha: "Merrni tejemum me dheun e pastër" - dhe e urdhëroi Bilallin, i cili thirri ezanin dhe i falën dy rekate (sunet), pastaj u ngrit dhe e falën sabahun.