901 - Na ka treguar Ebu Davudi, ka thënë: Na ka treguar Shu'be, nga Muhammed bin Abdilah bin Ebi Ja'kub, nga Abdurrahman bin Ebi Bekre, nga babai i tij, i cili ka thënë: Ka thënë i Dërguari i Allahut (s.a.v.s.): «A mendoni se nëse Muzajne, Xhuhejne, Eslem dhe Gifar janë më të mirë se Beni Temim, Esed, Gatafan dhe Beni Amir bin Sa'sa'ah, (atëherë këta të fundit) kanë dështuar dhe kanë humbur? Pasha Atë në dorën e të Cilit është shpirti im, ata janë më të mirë se ata».