995 - Na ka treguar Ebu Davudi, i cili ka thënë: Na ka treguar Zem'ah, nga Ez-Zuhriu, nga Ubejdullah bin Abdilah, nga Zejd bin Halidi, i cili ka thënë: «Dy kundërshtarë erdhën te i Dërguari i Allahut (s.a.v.s.) dhe thanë: O i Dërguari i Allahut, të betohemi në Allahun që të gjykosh mes nesh me Librin e Allahut të Madhëruar! Atëherë u ngrit kundërshtari i tij, i cili ishte më i ditur se ai, dhe tha: Po, o i Dërguari i Allahut, gjyko mes nesh me Librin e Allahut dhe më jep leje të flas! Ai i dha leje, e ai tha: O i Dërguari i Allahut, djali im ishte i punësuar te ky njeriu dhe kreu zinà me gruan e tij. Më njoftuan se djali im duhej të vritej me gurë (rexhëm), prandaj unë dhashë si dëmshpërblim për të njëqind dele dhe një shërbëtor. Kur pyeta njerëzit e dijes, më njoftuan se djali im duhet të fshikullohet me njëqind goditje dhe të dëbohet një vit, ndërsa gruaja e këtij duhet të vritet me gurë! Atëherë Pejgamberi (s.a.v.s.) tha: Betohem në Atë, në dorën e të Cilit është shpirti i Muhamedit, unë do të gjykoj mes jush me Librin e Allahut; sa u përket njëqind deleve dhe shërbëtorit, ato të kthehen ty, ndërsa djali yt duhet të fshikullohet me njëqind goditje dhe të dëbohet një vit. Shko o Unejs te gruaja e këtij, e nëse ajo pranon, atëherë gurëzoje atë. Ai shkoi te ajo, e pyeti dhe ajo pranoi, kështu që ai e gurëzoi atë».