1061 - Na ka treguar Ebu Davudi, na ka treguar Abdullah bin el-Mubaraku, nga Musa bin Alij, nga babai i tij, i cili ka thënë: E kam dëgjuar Amër bin el-Asin duke thënë: «Dërgoi tek unë Pejgamberi (s.a.v.s.) këtë porosi: 'Vishi armët e tua dhe eja tek unë'. Unë veprova ashtu, hyra tek ai, ndërsa ai më shikoi me vëmendje duke e ulur dhe ngritur shikimin, e pastaj më tha: 'O Amër, unë dëshiroj të të dërgoj në një mision, ku Allahu do të të japë plaçkë lufte dhe unë do të të ndaj një pjesë të mirë të pasurisë'. Unë i thashë: 'O i Dërguari i Allahut, pasha Allahun, unë nuk jam bërë musliman për pasuri!' Atëherë ai tha: 'O Amër, sa e mirë është pasuria e ndershme për njeriun e ndershëm'».